ក្របខណ្ឌ

ក្របខ័ណ្ឌ គ.ជ.ភ.ខ. បានអនុម័តយកពាក្យ "ក្របខណ្ឌ" ពីព្រោះពាក្យដែលមានតួប្រកបជាមួយនឹងព្យញ្ជនៈដែលមានជើងអក្សរនៅខាងក្រោមស្ទើរតែទាំងអស់ ត្រូវបានវចនានុក្រមរបស់សម្ដេចសង្ឃរាជ ជួន ណាត អនុញ្ញាតឱ្យសរសេរដោយប្រើសំយោគសញ្ញាក៏បាន ឬ មិនចាំបាច់ប្រើសំយោគសញ្ញាឡើង ហើយផ្ទុយទៅវិញ ពាក្យមួយចំនួនតូចត្រូវមានសំយោគសញ្ញា ដូចពាក្យ "ទូរស័ព្ទ" , "ក្របខ័ណ្ឌ" , ... ម្យ៉ាងទៀតក្រៅពីពាក្យ "ក្របខ័ណ្ឌ" ធាតុ "ខណ្ឌ" នៅក្នុងកន្សោមពាក្យឯទៀត សុទ្ធតែអាចមានឬគ្មានសំយោគសញ្ញា: ការប្រើសំយោគសញ្ញាក្នុងវចនានុក្រមខ្មែរឥតមានក្បួនជាក់លាក់ទេ អាស្រ័យហេតុនេះ ដើម្បីឱ្យមានការងាយស្រួលក្នុងការសរសេរ សមាជិកគ.ជ.ភ.ខ. បានសម្រេចជាឯកច្ឆន្ទឱ្យឈប់ប្រើសំយោគសញ្ញាជាទូទៅចំពោះពាក្យដែលមានតួប្រកបដែលមានជើងអក្សរនៅខាងក្រោម ឧ. ថ្ងៃចន្ទ, ទូរសព្ទ, ខណ្ឌ (សង្កាត់), ក្របខណ្ឌ, លក្ខខណ្ឌ, ខណ្ឌស្ករ, ខណ្ឌសញ្ញា, ...។