ត្រឡាច
- ( ន. ) ឈ្មោះវល្លិស្រុកមួយប្រភេទ មានផ្លៃប្រើជាបន្លែក៏បាន ធ្វើតំណាប់ក៏បាន ជាដំណាំមានប្រយោជន៍ដ៏សំខាន់ក្នុងប្រទេសឥណ្ឌូចិន : បន្លែត្រឡាច, តំណាប់ត្រឡាច ។ ព. ទ. បុ. ត្រឡាចវារទៅ ទើបល្ពៅវារមក មានអត្ថន័យថា បើលុះតែស្ត្រីហុចការណ៍បើកផ្លូវមករកបុរសមុនទើបបុរសហ៊ានទាក់ទងទៅរក; ឬថា បើលុះតែអ្នកគ្រប់គ្រងកូនស្រីបើកផ្លូវឲ្យមុន ទើបអ្នកគ្រប់គ្រងកូនប្រុសហ៊ានចូលមកដណ្ដឹង ដោយទុកចិត្តថាប្រាដកជាគេនឹងឲ្យ (ស្រីដណ្ដឹងប្រុស) ។ ដូចត្រឡាចនៅក្នុងបន្លា ចង្អៀតចិត្តក្រៃពេក ។ល។
- ភូមិនៃឃុំម្រាម
- ( ន. ) ប្រដាប់មានសណ្ឋានមូលវែងដូចផ្លែត្រឡាច សម្រាប់ព័ទ្ធខ្សែពាននឹងរបស់ដែលក្រឡឹង ។
(White gourd/wax gourd): ប្រភេទលតាជាតិវារលើដី ឬឡើងទ្រើងដុះនៅតំបន់ត្រូពិក ។ សំបកផ្លែខ្ចីពណ៌បៃតងស្រាល និងមានរោមឆ្មារៗ សំបកផ្លែចាស់ឡើងម្សៅពណ៌ស ។ ផ្លែខ្ចីប្រើជាបន្លែ ផ្លែចាស់ធ្វើនំ និងតំណាប់ ។ ម្យ៉ាងទៀត ឫស ផ្លែ និងគ្រាប់ ប្រើជាឱសថ ។
- ឃុំនៃស្រុកទ្រាំង
- ភូមិនៃឃុំត្រឡាច