ទម្រង់អវិជ្ជមាន

ជាប្រភេទនៃសំណង់ឃ្លាទាំងឡាយណាដែលមានប្រើអវិជ្ជមានបទ។

ឧទាហរណ៍៖ ១) គាត់មិននៅទេ។

២) ឆ្កែខ្ញុំមិនកាចទេ។

៣) ទោះគ្មានអ្វីហូបក៏ដោយ ក៏គាត់មិនរវល់ដែរ។

៤) មិនអីទេ កុំព្រួយ។

៥) លោកពុំឃើញវាទេ។

ឃ្លាខាងលើនេះ សុទ្ធតែជាឃ្លាដែលមានទម្រង់អវិជ្ជមានទាំងអស់។ ប៉ុន្តែវាពុំមែនសុទ្ធតែបញ្ជាក់ពីអវិជ្ជមានន័យនោះទេ។ ជាក់ស្ដែង ឃ្លា២)និង៤)បញ្ជាក់ពីវិជ្ជមានន័យ។

ឯកសារយោង

បង្កើតនិងឱ្យនិយមន័យដោយលោកសាស្ត្រាចារ្យបណ្ឌិត ច័ន្ទ សំណព្វ

ប្រសិនជាចង់អានបន្ថែមសូមស្វែងរកជាវសៀវភៅ បង្កើតពាក្យ កម្ចីពាក្យ បម្រើបម្រាស់ពាក្យ របស់លោកសាស្ត្រាចារ្យបណ្ឌិត ច័ន្ទ សំណព្វ បោះពុម្ពឆ្នាំ២០១០