បង្កក់
បង់-កក់ ( កិ. ) ធ្វើឲ្យមានជោគជ័យ, ឲ្យមានស្រីសួស្ដី, ឲ្យសម្រេចប្រយោជន៍តាមបំណង, ឲ្យកក់ក្ដៅពេញចិត្តមានសង្ឃឹម ។ បង្កក់ចង្រៃ រៀបពិធីរម្ងាប់ចង្រៃ ដោយមានហេតុពីភាល់ភ័យបារម្ភថា មុខជានឹងមានអពមង្គលចូលមកឲ្យទុក្ខទោសពុំខាន ។ បង្កក់ឆ្មប រៀបពិធីមង្គលឲ្យឈ្មោះកូនខ្ចី ព្រមទាំងជូនរង្វាន់ដល់ឆ្មបផង (ព. ខ្ព. ឬ រ. ស. ហៅ នាមគ្គហណមង្គល) “មង្គលកំណត់នាម, មង្គលឲ្យឈ្មោះ”); មង្គលនេះគេធ្វើក្នុងកាលដែលកូនកើតហើយបាន ៣ ថ្ងៃ ឬ ៧ ថ្ងៃក៏មាន ។ បង្កក់ប្រសិទ្ធិ (--សិត) រៀបហោមពិធីបូជាប្រសិទ្ធីដើម្បីឲ្យមានស្រីសួស្ដី ជោគជ័យតេជះ ឲ្យបានសម្រេចប្រយោជន៍សមតាមបំណងដែលផ្គងឡើងក្នុងចិត្ត (ធ្វើតាមទម្លាប់ជំនឿ) ។