ឈ្មោះជាភាសាខ្មែរៈ បង្គួយប្តូរពណ៌ ឈ្មោះជាភាសាអង់គ្លេសៈ Changeable Lizard - Calotes Versicolor ចំណាំៈ ការអោយឈ្មោះជាភាសាខ្មែរនេះគឺយោងទៅលើការបកប្រែពីភាសាអង់គ្លេស ពីព្រោះដោយមិនទាន់មានឯកសារទាក់ទងនឹងសត្វនេះជាភាសាខ្មែរ។

សត្វបង្គួយប្តូរពណ៌យើងអាចឃើញវាជាញឹកញាប់នៅតាមស្រុកស្រែចំការ ឬតាមសួនច្បារជាដើមវាស៊ី​សត្វល្អិតជាអាហារ។ពណ៌របស់វាអាចប្រែពីពណ៌ត្នោតរាងក្រហម មកពណ៌លឿង ហើយនៅរដូវបន្ត​ពូជករបស់សត្វឈ្មោលប្រែទៅជាពណ៌ក្រហម និង​ខ្មៅដូចក្នុងរូបខាងក្រោម។ សត្វបង្គួយប្តូរពណ៌មាន​សិរបន្លាខ្លីៗនៅលើក្បាល និងមានបន្លាតូចៗនៅលើរន្ឋត្រចៀក និង​គ្មានស្មាបត់។សត្វបង្គួយឈ្មោល​មានថ្ពាល់ធំខុសពីធម្មតា។

ជាទូទៅគេឃើញសត្វនេះរស់នៅតាមគល់ឈើ និងតាមគុម្ភពោតព្រៃ វាអាចឡើងតោងលើដើមឈើ​ដើម្បីរត់គេច ឬការងារខ្លួនវា។ទោះជាយ៉ាងណាក៏ដោយសត្វបង្គួយប្តូរពណ៌​នេះពងនៅក្នុងរូង​ក្រោមដី។