បៀ
( ន. ) ឈ្មោះខ្យងសមុទ្ទពួកមួយ, មានតូចមានធំ, សំបកក្រាស់រឹងរលោង, ទ្រង់ទ្រាយជមក្រឡូម, ខាងពោះច្រហមានរបាក់ជាជួរទាំងពីរខាង សណ្ឋានជាធ្មេញ ។ ក្នុងសម័យបុរាណរាជ្យពីព្រេងនាយ មានអនុញ្ញាតឲ្យប្រើបៀចាយជាតម្លៃលក់ទំនិញជាជំនួសប្រាក់, ព្រោះហេតុនោះទើបមានពាក្យហៅថា បៀលៀង, បៀវត្ស ជាប់មកដល់សព្វថ្ងៃនេះ ។ [Scientific name: Cypraea moneta; English name: the money cowry]
( ន. ) ឈ្មោះល្បែងស៊ីសង, មាន ២ យ៉ាងគឺ បៀក្រដាស, បៀភ្លុក ។
( ន. ) ថ្លុកដែលគេទប់នៅមាត់ទឹកក្នុងបឹងរំហាចនិងស្រែជម្រៅជាដើម ដោយពូនដីបង្កុងជាភ្លឺខ្ពស់ ទុករង្វះតូចជាផ្លូវ ដាក់សម្រាស់ពេញខាងក្នុង សម្រាប់បញ្ឆោតឲ្យត្រីធំៗចូលជ្រកចាំជាកន្លែង គេទប់រង្វះបាចទឹកចេញ ហើយចាប់ត្រីនៅពេលគេត្រូវការ : ទប់បៀ, បាបបៀ, ត្រីបៀ ។ បៀបញ្ឆោត បៀសម្រាប់បញ្ឆោតត្រីស៊ីសំក្នុងពេលយប់... (អ្នកស្រុកខ្លះហៅថា ដៀ) ។