ប្រចៀវ
( ន. ) ឈ្មោះចម្មបក្សីពួកមួយមានមុខនិងត្រចៀកស្រដៀងនឹងកណ្ដុរ (ជាសត្វរត្តិចរ) ។ ប្រជៀវ Share on twitterShare on google_plusone_shareMore Sharing Services 0
Print រូបភាព
ប្រចៀវស៊ីសត្វល្អិត គឺជាប្រភេទមួយក្នុងចំណោមក្រុមថនិកសត្វទាំងអស់ ដែលមានច្រើនប្រភេទជាងគេនៅលើពិភពលោក។ តាមការប៉ាន់ស្មានរបស់ក្រុមអ្នកជំនាញបានឲ្យដឹងថា ប្រភេទច្រចៀវនេះមានប្រហែលពី៥០ទៅ១០០ ប្រភេទនៅក្នុងប្រទេសកម្ពុជា ហើយរហូតដល់ពេលបច្ចុប្បន្នប្រភេទប្រចៀវស៊ីសត្វល្អិតនេះត្រូវបានគេរកឃើញមាន ៣០ប្រភេទរួចហើយ។ ប្រភេទសត្វប្រចៀវទាំងនេះវាបានផ្តល់នូវសារៈប្រយោជន៍យ៉ាងច្រើនដល់មនុស្សទាំងរបរកសិកម្ម និងការលើកកម្ពស់សុខភាពរស់នៅ។ មានប្រភេទ ប្រចៀវភាគច្រើនស៊ីសត្វល្អិតចង្រៃដែលបំផ្លាញដំណាំកសិកម្ម ឬសត្វមូសដែលតែងតែខាំរំខានដល់មនុស្សយើង។ ជារៀងរាល់ល្ងាច ហ្វូងប្រចៀវមួយទ្រនំអាចស៊ីសត្វល្អិតចង្រៃ រាប់លានក្បាល និងជួយការពារជំងឺដល់មនុស្ស និងការបំផ្លាញផលដំណាំកសិកម្ម។
ភិនភាគ និងជីវសាស្ត្រ៖ ប្រភេទសត្វប្រចៀវស៊ីសត្វល្អិត វាមានទំហំប្លែកៗគ្នា ភាគច្រើនមានមាឌតូចៗ និងរស់នៅតាមទីកន្លែងផ្សេងៗគ្នាដូចជា នៅតាមដំបូលអាគារនៅក្នុងធាងស្លឹកចេក តាមប្រហោងឈើងាប់ ឬ ឬស្សី និងតាមចន្លោះផ្ទាំងថ្ម ឬ រូងភ្នំ។ ប្រភេទនេះចូលចិត្តរស់នៅជាក្រុមរហូតដល់រាប់រយក្បាល។
រប៉ាយរស់នៅ៖ ប្រភេទសត្វប្រចៀវទាំងនេះមានមួយចំនួន វាមានលក្ខណៈពិសេសប្លែក និងរស់នៅតែនៅតាមប្រភេទ ទីជម្រកជាក់លាក់មួយដែលជាប្រភេទសត្វកម្រ និងទទួលរងនូវការគំរាមកំហែង ដោយការកាប់ឈើ និងការបាត់បង់ព្រៃឈើ។ រីឯប្រភេទខ្លះទៀត វាសម្បូររស់នៅតាមទីប្រជុំជន និងទីក្រុង។
ស្ថានភាពអភិរក្ស៖ ជាប្រភេទមានដោយបង្គួរ និងមានប្រភេទខ្លះត្រូវបានចុះក្នុងបញ្ជី ក្រហម IUCN ជាប្រភេទទទួលរងការគំរាមកំហែងជាសកល៕