( កិ. ) ចោល​បោះ​ជើង​ទាំង​៤​យ៉ាង​ខ្លាំង​ពេញ​ទំហឹង (សេះ) : សេះ​ផាយ (ម. ព. បំផ្លាយ ផង) ។ រើ​ឬ​កញ្រ្ជោល​ងាក​គូថ​ចេញ​ក្រៅ​ទម្លាក់​នឹម (គោ) : គោ​ផាយ​ទម្លាក់​នឹម ។ រត់​សាយ​ឬ​ធាក់​ភាយ​ឡើង​លើ​ឬ​ចុះ​ក្រោម (ខ្យល់​ក្នុង​សព៌ាង្គកាយ) : ខ្យល់​ផាយ ឬ ផាយ​ខ្យល់ ។ ទាស​ចិត្ត​ចេញ​ពី​គូ​ស្រករ (ក្បត់​ចិត្ត, ផិត​ក្បត់) : ផាយ​ចេញ​ពី​ប្ដី (ព. សា.) ។ ផាយ​ផិត កិ. ទាស​ចិត្ត​រសាយ​ឃ្លាត​ក្លាយ​ជា​ផិត​ក្បត់ : ស្រី​បង្ហិន​ប្ដី ផាយ​ផិត​អប្រីយ៍ ឥត​សារ​ឥត​សព្ទ... (ច្បាប់​ស្រី​ជា​ព្រះ​រាជ​និពន្ធ​នៃ​ព្រះ​បាទ​សម្ដេច​ព្រះ​ហិររក្ស​រាមា​ឥស្សរាធិ-បតី...) ។

( ន. ) ឈ្មោះ​អាវ​វែង​ធ្វើ​ដោយ​សំពត់​ស្បៃ​សម្រាប់​ពាក់​លើ​អាវ​ធម្មតា​ ប្រើ​ក្នុង​វេលា​មង្គល​ផ្សេង​ៗ : ពាក់​អាវ​ផាយ​តាម​ប្រពៃណី ។