ពពេចក្បាលខ្មៅចុងខ្នងស

ប្រភេទសត្វពពេច ពពិច​ក្បាល​ខ្មៅ​ចុង​ខ្នង​ស គឺជា​ឈ្មោះ​បក្សី​មួយ​ប្រភេទ នៅពេល​ពេញវ័យ ផ្នែក​មុខ​និង​បន្ទូលក្បាល ពណ៌​ខ្មៅ ក្បាលមាន​កំប៉ោយ​បន្តិច ខ្លួន​ពណ៌​ប្រផេះ គូថ​ពណ៌​ក្រហម និង​ចុង​ខ្នង​ស​។ ចំណែក​នៅពេល​មិនទាន់​ពេញវ័យ បក្សី​នេះ​មាន​គូថ​ពណ៌​លឿង​។ កំណត់ត្រា​សត្វ​ស្លាប​បាន​បង្ហាញថា បក្សី​នេះ​ច្រើន​រស់នៅ​តាម​ដំណុះ​ព្រៃ​ក្មេង គុម្ពោធ​ព្រៃ វាលស្មៅ ដំណាំ​កសិកម្ម​។ បក្សី​នេះ​ច្រើន​ស៊ី​ផ្លែឈើ ហើយ​ហើរ​ជា​ហ្វូង​។ ចំណែក​របាយ​រស់នៅ​វិញ គឺ​តែង​បង្ហាញខ្លួន​ពេញ​មួយឆ្នាំ និង​មាន​គ្រប់​ទីកន្លែង ហើយ​បន្ត​ពូជ​ចាប់ពី​ខែមីនា ដល់​ខែមេសា​៕