- មៈកុត បា.; សំ. ( ន. ) (មកុដ ឬ មង្កុដ; មកុដ ឬ មុកុដ) គ្រឿងប្រដាប់ធ្វើដោយមាសសុទ្ធ មានរាងក្រឡូម មានកំពូល រំលេចដោយក្បាច់រចនាដ៏វិចិត្រ ដាំត្បូង សម្រាប់ក្សត្រិយ៍ទ្រង់រាជ្យទ្រង់ពាក់ព្រះសិរ, រាប់បញ្ចូលក្នុងរាជកកុធភណ្ឌ : មកុដរាជ្យ, ស្ដេចទ្រង់មកុដ ។
- (គ្រឿងលំអ)សូម្បីធ្វើដោយស្មាច់ក្រដាសឬសំពត់រចនាវិចិត្របិទមាសដាំកញ្ចក់ក៏ហៅ មកុដ ដែរ, សម្រាប់ប្រើជាគ្រឿងល្ខោន ។ គ្រឿងអលង្ការមួយយ៉ាងធ្វើពីមាសឬលោហៈផ្សេងៗ ឬធ្វើពីក្រដាសស្មាច់ ហើយ បន្ទំក្បាច់ខ្មុកឬធ្វើពីកំណាត់ បិទពណ៌មាសដាំត្បូង ដែលមានកំពូលនិងរចនាតាមក្បាច់ផ្សេងៗដ៏ល្អវិចិត្រ សម្រាប់ពាក់នៅលើក្បាល។
