លប
( ន. ) ឈ្មោះនេសាទុបករណ៍ពួកទ្រូតែមានរាងស្មើចុងស្មើដើម ឬខ្ពស់ម្ខាង ឬក៏ខ្ពស់ទាំងពីរខាង សម្រាប់ដាក់ផ្តេកក៏មាន ដាក់បញ្ឈរក៏មាន ឲ្យមច្ឆជាតិចូលតាមប្រឹស : លបផ្តេក, លបបញ្ឈរ ។
( កិ. ) ពួន, សំងំ, អែបខ្លួន, ធ្វើដោយស្ងាត់, ឈ្លប, ឃ្លាំ, ចូលឬចេញមិនឲ្យគេដឹង : លបមើល, លបស្តាប់, លបចូល, លបរត់, ឆ្មាលបកណ្តុរ ។ លបៗ កិ. វិ. សន្សឹមៗ មិនឲ្យឮសូរ : ដើរលបៗ ។ លបលាក់ លាក់ខ្លួនឬលាក់អ្វីៗបំបាំងមិនឲ្យគេឃើញ ។