លាត់
( កិ. ) សើយត្រឡប់យកក្នុងជាក្រៅ ពីក្រោមឡើងលើ : លាត់សំពត់, លាត់ជើងខោ ។ បកទាញស្បែកត្រឡប់មកក្នុងជាក្រៅ : លាត់ស្បែកពស់, លាត់កង្កែប ។ លាត់កង្ខើញចូល លាត់សម្លៀកកង្ខើញចូល ។ លាត់សើយ ឬ សើយលាត់ លាត់ៗសើយៗឬសើយៗលាត់ៗឬក៏លាត់ផងសើយផង ។ អ្នកលេងលាត់សើយ ឬ--សើយលាត់ អ្នកលេងកោងកាចដែលរមែងតែលាត់សើយឬសើយលាត់ដើរឥតក្រែង ។ (ព. កា.) : អ្នកលេងលាត់សើយ កាលអស់ទ្រព្យហើយ ធ្វើទុក្ខបងប្អូន ជួនជេរប្រពន្ធ ជួនវាយធាក់កូន អស់ទាំងបងប្អូន គេខ្ពើមរាល់គ្នា ។