( កិ. ) លាត​ឬ​ឈោង​ដៃ​ចេញ : លូក​ដៃ​ទទួល​អីវ៉ាន់ ។ លាត​ដៃ​ចុះ​ឬ​កាយ​យក : លូក​ដៃ​ក្នុង​ពាង​ទឹក; លូក​ផ្អក​ពី​ក្នុង​ឪទឹន ។ លាត​ដៃ​ចាប់​កាន់, ហ៊ាន​ទិញ : ទំនិញ​ឥឡូវ​ថ្លៃ​ណាស់ លូក​មិន​ចុះ​ទេ ។ បង្ខិត​ចូល​ឬ​ចេញ : បោះ​របង​លូក​ចូល​ក្នុង​ដី​គេ ។ កិ. វិ. ឬ គុ. ដែល​លយ​ចេញ​ឬ​ចូល : ដី​ដុះ​លូក​ចូល​ក្នុង​ទន្លេ ។ លូក​នាយ​លូក​អាយ លូក​ខាង​ណេះ​បន្តិច​ខាង​ណោះ​បន្តិច ។ លូក​ល លូក​ល​មើល, ហុច​ល្បង​មើល ។ លូក​លើ​សើ​ក្រោម លូក​ចាប់​ខាង​លើ​សើ​រើ​ខាង​ក្រោម​ជន្ល​ឲ្យ​កើត​ការ : និយាយ​លូក​លើ​សើ​ក្រោម ។ល។ ព. ទ. បុ. លូក​ព្រហក់​ឲ្យ​កប់​ដៃ បាន​ជា​ជ្រុល​ដៃ​ធ្វើ​ហើយ ត្រូវ​តែ​ធ្វើ​ឲ្យ​ពេញ​កម្លាំង​កុំ​ញញើត ។

  1. (ខ្នាត) រង្វាស់ប្រវែងនៃខ្នាតខ្មែរពីបុរាណ ដោយគិតពីត្រឹមក្លៀកទៅដល់ចុងម្រាមដៃកណ្ដាល (ចង្អុលខ្មោច)។ ឧ. រន្ធក្ដាមនេះមានជម្រៅមួយលូក។