ស្ថាបត្យកម្មទេសភាព

(ស្ថាបត្យកម្ម, សិល្បៈ) landscape architecture, architecture paysagiste និម្មាបនកម្មទេសភាព វិទ្យាសាស្ត្រ និងសិល្បៈនៃការគូរប្លង់ទេសភាពនិងបង្កើតទេសភាពដោយប្រើប្រាស់ធនធានធម្មជាតិជាធាតុផ្សំ: រុក្ខជាតិ (ដើមផ្កា ស្មៅ ដើមឈើ វល្លិ៍) ថ្នល់ សំណង់ អគារ ថ្មភ្នំ បឹង,..។ ឧ. និម្មាបនកម្មទេសភាព ឬ ស្ថាបត្យកម្មទេសភាពខ្មែរមានតាំងពីសតវត្សរ៍ទី៥ ម៉្លេះ គឺទីក្រុងស្រេស្ឋបុរៈ (រាជធានីចេនឡា) នៅស្រុកចម្ប៉ាសាក់់ ខេត្តចម្ប៉ាសាក់ ប្រទេសឡាវ។ ទីក្រុងស្រេស្ឋបុរៈមានប្រាសាទមួយគឺប្រាសាទវត្តភូ សាងលើចង្កេះភ្នំលិង្គ ដោយយកផ្ទាំងថ្មធម្មជាតិ ជាឆាកធម្មជាតិនៅពីក្រោយប្រាសាទវត្តភូ និង នៅខាងមុខប្រាសាទមានទន្លេមេគង្គ។ ស្រេស្ឋបុរៈជាទីក្រុងមានប្លង់មុនគេនៅអាស៊ីអាគ្នេយ៍។ ក្រុងស្រេស្ឋបុរៈ និងប្រាសាទវត្តភូជាបេតិកភណ្ឌពិភពលោក។