ឡាយ
រ. ស. ( កិ. ) ចុះព្រះបរមនាមឬចុះព្រះនាម (ស៊ីញេ) : ព្រះករុណាជាម្ចាស់ជីវិត ទ្រង់ឡាយលើចុតហ្មាយ ដែលបណ្តារាស្រ្តក្រាបបង្គំទូលសូម... ។ ន. ព្រះបរមនាមឬព្រះនាម ដែលក្សត្រិយ៍ទ្រង់ចុះដោយព្រះហស្តព្រះអង្គ : ធ្វើចុតហ្មាយក្រាបបង្គំទូលសូមឡាយ ។ ច្រើនប្រើពាក្យ ឡាយព្រះហស្ត, ឡាយព្រះហស្តលេខា (ម. ព. ហត្ថ និង ហស្ត ផង; គួរកុំច្រឡំសរសេរ ឡាយព្រះហស្ថ ឬ ឡាយព្រះហស្ថលេខា ព្រោះ បា. ហត្ថ, សំ. ហស្ត) ។
( គុ. ) ដែលមានព័ណ៌ឆ្នូតៗ វែងៗ : ឈើសាច់ឡាយ ។ ន. សាច់ឆ្នូតៗ វែងៗ : ពងធ្នង់មានឡាយ (បើឈើស្រឡៅហៅ អង្កាញ់ ថា : ស្រឡៅអង្កាញ់) ។
( គុ. ឬ កិ. វិ. ) រយាល, ដែលចេះតែឃ្លាតៗ វេលា : ចេះតែឡាយៗទៅមិនបានទៅមករកគ្នា (ប្រើជា ហ្លាយ ក៏បាន) ។