អង្គទ

អង្គទជាកូននាងមន្ទោរគីរីនិងពាលី។ ពេលមួយព្រះរាមប្រើអង្គទអោយនាំសារទៅនគរលង្ការ អង្គទចូលទៅដល់មុខក្រុងរាពណ៍ក៏ឆ្វាយកន្ទុយធ្វើជាបល្ល័ង្គអង្គុយខ្ពស់ជាងក្រុងរាពណ៍ រួចអានសារថា ក្រុងរាពណ៍ត្រូវតែប្រគល់នាងសីតាទៅថ្វាយព្រះរាមវិញ បើពុំព្រមព្រះរាមនិងលើកទ័ពមកកម្ចាត់មិនអោយសល់ត្រកូលយក្សឡើយ។ ក្រុងរាពណ៍ខឹងណាស់ស្ទុះទៅទះកំភ្លៀងអង្គទ តែអង្គទគេចផុតក៏ទះសងវិញធ្លាក់ក្រុងរាពណ៍ពីលើបល័្លង្គ។ គេសម្គាល់អង្គទសម្បុរបៃតងខ្ចីកាត់បៃតងចាស់ បិទមាត់ ពាក់ម្កុដកន្ទុយហង្ស។