អ៊ុប៉ៈក សំ. បា. ( ន. ) (ឧបករណ) សេចក្ដីទំនុកបម្រុង, ការជួយទប់ទល់គ្នា : មានឧបករណ៍ ទៅវិញទៅមក ។ គ្រឿងទប់ទល់, គ្រឿងប្រុង, គ្រឿងប្រកបផ្សំគ្នា : ឧបករណ៍រទេះ គ្រឿងរទេះ ។ គ្រឿងចិញ្ចឹមជីវិត, មុខការរបរ, ផ្លូវធ្វើការរកស៊ី : ខំប្រឹងរកឧបករណ៍ផ្គត់ផ្គង់បម្រុងអាត្មានិងគ្រួសារ ។ គ្រឿងប្រើប្រាស់ជិតដៃ (គ្រឿងដៃ), គ្រឿងប្រដាប់សម្រាប់ធ្វើការ, គ្រឿងហត្ថកម្ម : ខ្វះខាតឧបករណ៍ប្រើប្រាស់ ។ គ្រឿងចក្រឬគ្រឿងម៉ាស៊ីនដែលប្រើក្នុងសម័យបច្ចុប្បន្ននេះក៏ចាត់ជា ឧបករណ៍ ដែរ ។ (ព. កា.) : មុខការរបរ ត្រូវមានឧបករណ៍ ទុកជាជំហរ បើខ្វះឧបករណ៍ អំណរសាទរ ក៏ពុំបវរ ផុតមុខផុតក្រោយ ។ មាននេះខ្វះនោះ មុខការលេះលោះ ពុំផ្តល់អំណោយ ទោះបីផ្តល់ខ្លះ ទ្រព្យធនក៏ខ្សោយ គួរជនកុំធ្លោយ ឲ្យខ្វះឧបករណ៍ ។
- (កម្មវិធី) tool, outil សំណុំកម្មវិធីឬ ប្រដាប់ប្រដាសម្រាប់ប្រើក្នុងកុំព្យូទ័រឬក្នុងបណ្ដាញ។
