ឧសា
អ៊ុ-- សំ. ( ន. ) (ឧឞា) ពន្លឺបំព្រាងជិតព្រឹក, វេលាភ្លឺស្រាង, ពេលបំព្រាង, ពេលក្រហមឯកើត (ហៅ ឧសាកាល, ឧសាសម័យ ឬ ឧសាប្រភាត ក៏បាន) ។ វេវ. បុព្វណ្ហកាល, បុព្វណ្ហសម័យ, អរុណោទ័យ ។ សម្រាប់ប្រើក្នុងកាព្យ, ដូចជា : នៅពេលឧសា ដែលព្រះសុរិយា បញ្ចេញរង្សី អស់ទាំងជនផង ទោះប្រុសទោះស្រី ទោះទាំងបក្សី ក៏ភ្ញាក់ពីដេក ។ ធ្លាប់ធ្វើការអ្វី ជាប្រក្រតី តាមដោយចិត្តត្រេក ទោះការនោះធ្ងន់ ពេកពន់ស្កះស្អេក ធម្មតាវែកញែក ឲ្យខានពុំបាន ។